ԵՊԲՀ-ի հանրային առողջության ֆակուլտետի նոր ծրագիրը

Երևանի պետական բժշկական համալսարանը կարևորում է կրթական ծրագրերի համապատասխանեցումը միջազգային պահանջներին և մոտեցումներին, որը կնպաստի միջազգային կապերի ընդլայնմանը, եվրոպական և այլ երկրների կողմից ճանաչված ծրագրերի, դիպլոմների ընդունմանը և միջազգային ընկերակցության ինտեգրմանը:

ԵՊԲՀ-ն շարունակում է մասնակցել կրթական գործընթացի բարեփոխումներին միտված միջազգային և եվրոպական տարբեր ծրագրերի:

2011թ. սեպտեմբերին ԵՊԲՀ-ում բացվեց հանրային առողջության ֆակուլտետ, որտեղ դասավանդումն իրականացվում է համալսարանի կողմից մշակված, միջազգային չափանիշերին համապատասխան մագիստրոսական նոր ծրագրով: Սույն ծրագիրը կազմված է մեր հանրապետությունում հանրային առողջության ոլորտի պահանջների և hանրային առողջության դպրոցների միության (Assosiation of Schools of Public Health (ASPH) կողմից սահմանված պարտադիր առարկաների և դասընթացների ցանկի հիման վրա: Ըստ գործող ծրագրի` հանրային առողջության մագիստրոսները ստանում են ժամանակակից գիտելիքներ և հմտություններ, որոնք հնարավորություն են տալիս հանրային առողջության կառավարման և կազմակերպման բնագավառում պատրաստել ներկայիս աշխատաշուկայի պահանջներին համապատասխան մասնագետներ:

2010-ից ԵՊԲՀ-ն Մեծ Բրիտանիայի, Շվեդիայի, Ռումինիայի, Մոլդովայի և Վրաստանի ինը բարձրագույն ուսումնական հաստատությունների հետ մեկտեղ ընդգրկված է 511303-TEMPUS-1-2010 ծրագրի կոնսորցիումում, որի նպատակն է սոցիալական գիտությունների և հանրային առողջության բնագավառում ստեղծել մագիստրոսների պատրաստման կրթական ծրագրեր: Մշակվող ծրագրային փաթեթները հիմնված են եվրոպական առաջատար համալսարանների բազմամյա փորձի վրա:

Ծրագրի մասնակիցների մեկնարկային հանդիպման ընթացքում (2011թ., փետրվար) վերլուծվեց մեր հանրապետությունում հանրային առողջության կառավարման և կազմակերպման ոլորտում առկա իրավիճակը, որոշվեցին ծրագրի հիմնական նպատակներն ու խնդիրները, դրանց լուծման ճանապարհներն ու ժամկետները, ինչպես նաև բաշխվեցին պարտականությունները: Հանդիպմանը մասնակցում էին ՀՀ կրթության և գիտության, առողջապահության, աշխատանքի և սոցիալական հարցերի նախարարությունների, հիգիենիկ և հակահամաճարակային վերահսկողության ծառայության, ինչպես նաև Տեմպուսի ազգային գրասենյակի ներկայացուցիչները:

Տեմպուսի ծրագրի շրջանակներում մշկված հանրային առողջության բնագավառի ծրագրային փաթեթները և մեթոդները, գործող մագիստրոսական ծրագրին չհակասելու դեպքում, կնպաստեն փորձարարական կարգով հարստացնելու գործող ծրագիրը ժամանակակից գիտելիքներով և հմտություններով:

Ծրագրի շրջանակներում հանրային առողջության մագիստրոսների ուսումնական գործընթացը ժամանակակից մակարդակով ապահովելու համար ֆակուլտետը հագեցվել է անհրաժեշտ տեխնիկայով` հնարավորություն ընձեռելով ուսումնառության ընթացքում կիրառելու տեսաձայնային տեխնիկական միջոցներ:

Ծրագրի մասնակիցներն են.

Ծրագրի տևողությունը երեք տարի է: Այդ ընթացքում պետք է մշակվեն Հայաստանի, Մոլդովայի և Վրաստանի պայմաններին համապատասխան հանրային առողջության ծրագրային փաթեթներ, որոնց բաղադրիչները պետք է անցնեն «պիլոտային» փորձարկում:

Հարցեր, պատասխաններ, մեկնաբանություններ